Sprachwahl Home Wir beide Bea Helle Bisherige Touren Slowenien Frankreich  Griechenland  Frankreich 2 Frankreich 3 Griechenland 2 Griechenland 3 Vorbereitungen Organisatorisches Gesundheit Ausruestung Werkzeug Elektronik Gepaeck Bekleidung Geplante Route Motorradumbau Alperer  Dicke Rosi Unterwegs Reisetagebuch Osteuropa Suedostasien RB Osteuropa Tschechei Slowakei Ukraine Ukraine2 Russland West  Russland West 2 Russland West 3 Kasachstan Kasachstan 2 Kasachstan 3 Russland Altai Russland Altai2 Mongolei Mongolei2 Mongolei3 Sibirien Sibirien 2 Sibirien 3 Sibirien 4 Fazit Osteuropa RB Südostasien 5 Wo. ohne Mo 5 Wo. ohne Mo 2 Thailand 1 Thailand 1.2 Kambodscha Kambodscha2 Kambodscha3 Laos Laos2 Laos3 Laos4 Laos5 Unterkunft Osteuropa Suedostasien Unterkünfte Suedostasien 2 Unterstuetzung Privat Sponsoren Unterwegs Videos Suedostasien Links Kontakt  Gaestebuch Presse Fotokalender 2012 Impressum Englisch%%%%%%%%%%%%%%%%%%%%%%%%%%%%%%%%%%%%%%% Home  About us Bea  Helle  Our last trips Slovenia France  Greece  France 2 France 3 Greece 2 Greece 3 Preparations Organizing Health Equipment Tools & Spares Electronic Baggage Clothing Planned Route Motorcycle Alperer  Big Rosi Travelreport Eastern Europe RB Osteuropa eng. Tschechei eng. Slowakei engl. Ukraine engl. Ukraine2 engl. Russl. West engl. Russl. West2 engl. Russl. West3 engl. Kasachstan engl. Kasachstan2 engl. Kasachstan3 engl. Russl. Altai engl. Russl. Altai2 engl. Mongolei engl. Mongolei2 engl. Mongolei3 engl. Sibirien engl. Sibirien2 engl. Sibirien3 engl. Sibirien4 engl. Fazit Osteur. engl. Lodging East Europe Southeast Asia Lodging Southeast Asia 2 Support Privat Sponsorship On Tour Videos Southeast Asia Links Contact Guestbook Press  Impressum  Bayrisch%%%%%%%%%%%%%%%%%%%%%%%%%%%%%%%%%%%%%%%%%%%%% Startseitn Mia Zwoa Bea Helle  Do wama scho Slowenien Frankreich  Griechenland  Frankreich 2 Frankreich 3 Griechenland 2 Griechenland 3 Wias herganga is As drumherum Gsundheit Unsa Glump Werkzeig Elektronik Packzeig Gwand Do fama hi Mopedumbau Oipara Gwampade Rosi Do sama grod Wer uns huift Dahoam Sponsoren Auf da Roas Fuim Suedostasien Andane Seitn Oschreim Gaestebuach Pressegsatzal Impressum Zusammen%%%%%%%%%%%%%%%%%%%%%%%%%%% Trailer zus. 

Wias herganga is

Aussadem wama bei unsam Speze, am Michi, da Chef vo da Tattoostum z´Waging a. See (www.tattoo-waging.de), auf Bsuach. Ois oida Mopedfahra wa da Michi natürlich sofort todal begeistert vo unsam Vorham und hod uns ois Erinnerung a Abschieds-Erinnerungs-Tatttoo vo erm obotn. Do hama freile ned na gsogt!A wengal an Fuim zu unsam Bsuach bei erm z`Waging und wias uns ganga is kennts eich do oschaun:FuimMärz 2011So langsam werds hoass mid unsane Vorbereitungen.Da Helle schraubt oiwei nu fleissig an unsane Mopeds ummanand und sche stad schaut des scho noch wos aus. Da Bea ihr Kistn hod etz a an gressan Tank griagt und dem Drum mid 24 Lita hod ihr Moped etz a an Nam zum vadanga: de "Dicke Rosi"!De oanzlna Sachan zum Umbau kennts eich do oschaun:MopedumbauAba a bei uns zwoa han nu de letztn Gsundheits- Kundndienste ogstandn. Unta andam wama a nu beim Zahnarzt. Aussakema is, dass oisse sitzt, bast wackelt (hoffentlich ned) und hod Luft.Sau guad,do steht na zahnschmerzfreien Roas scho moi nix mehr im Weg!A wos des Papierglump betrifft, gehts sauba dahi. U. a. wama auf da Gmoa und hama unsane Reisepässe ogschafft. Aba weil hoit Hoaming a Dorf is und wahrscheinlich (fast) a jeda de Zeitungsgschichtal üba unsa Sach glesen hod, wars ned zum verwundan, dass de nette Mitarbeiterin uns scho kennt hod und uns aso glei üba unsane Vorbereitungen, de plante Streckn und nu a boa andane Sachan gfrogt hod.An dera Stei woi ma uns numoi fia de pfundige Beratung und de Untastützung beim Oschaffa vo unsane Pässe bedanga!April 2011Am 15. April wars dann leida soweit, mia hamma aus unsana Bude auszong, weil de Nachmieta do scho nei woitn. Damit aba nu a bissal a Kohle in unsan Reisebeidl nei kema is, hama aufn Flohmarkt und in am groassn Internetauktionshaus a boa vo unsane Trümma vaschebert. Des restliche Graffe hamma dann in an groassn haufa Umzugskartons nei gschmissn und beim Helle und da Bea dahoam obglagert. Wema scho dabei san, dann woi ma uns numoi bei de ganzn Umzugshoifa bedanga! A bsundas Danksche geht dabei an Meta und seim Pa, weil bei dem hamma des mehra vo unsane Möbeln untastein deafa!Aussadem hama mia zwoa etz offiziell unsa Kündigung obgem. Oanaseits gfrei ma uns freile scho auf de abatsfreie Zeit, andraseits hamma etz erst richtig gspannt, dass ma do zwoa richtig guade Jobs aufgem ham, de uns ned grod Spass gmacht ham, sondan uns a nu a Gfui vo sozialer Sichaheit gem ham... Und a unsane Kollegen werma sicha vamissn! An dera Stei woima uns numoi fia de gmiatliche Verabschiedung und de (goa ned so) gloane Spend fia unsa Reisekass bedanga!Mai 2011Pünktlich zum 1. Mai wars dann soweit, unsane Mopeds han soweit beinanda gwen und mia sama as erste moi in dem Joa a Rundn gfan! *sche* Aussadem hama des Monat an hauf Verab-schiedungsfestl zum Feiern kabt. Am 13. Mai wama beim Helle seine Oitern mid da ganzn Verwandtschaft und da Bea ihra Familie beinand und hama a gmiatlichs Abschiedsfestlmid olle Omas, Opas, Onkel, Tanten, Cousins und Cousinen gfeiert.Am nächsten Dog nochan wama dann z´Hoaming in da Werkstod bei unsam eigna Abschiedsfestl. Leida hod as Weda sauba gspunna und es hod recht grengt und sau koit wars a nu. Trotzdem wan üba 100 Spezln, Bekannte, Familie und Abatskollegn drunt im Droatkastn und hams mid uns gscheid kracha lossn! Merce an eich olle fia des pfundige Festl!Aba wia hoasts so sche, olla guadn Dinge (oda Festl) han Drei! Deswegn wama am nächstn Wochaend glei wieda in Sachan Abschiedsfestl untawegs.Desmoi wama bei unsane ehemalign Vermieta, da Anja und am Jens, eiglodn. Olle Nachbarn vo da Schloß- und Hauptstrass z´Hoaming wan a do und so hamma a richtig gmiatlichs Festl gfeiert. Es werds uns a obgeh!Juni 2011Endspurt, Endspurt!Nu 18 Dog bis bei uns los geht und mia hama nu sauvui zum doa!!!Auf de Schnelle hama nu unsa Bankbürgschaft, de wos ma fia unsane Carnet de Passages brauchan, ogschafft, unsane intanationaln Führaschein und Fahrzeigpapiere hama bei da Zulassungsstei ausstoin lossn und mia wama beim Notar fia de Generalvoimacht fia unsane Oitern. Aussadem wart ma nu imma auf a bo Trümma, de wos ma übas Internet b´stoit ham und unsane Reisepäss midsamt de Visa fia Russland, Kasachstan und de Mongolei san a nu ned okema.Und weil unsa Listn, wos ma nu ois doa miasn, ned gleana wern mecht, sama mia etz fast Dog und Nocht auf de Fiass, schlaffan de mehra Zeit ned mehra ois wia 4 Stund und rennan a am Dog umanand wia a boa Hendl auf Drogn.Am Herrgott sei Dank haut aba dann doch nu ois hi, a wenn de letztn Trümma erst oa oda zwoa Dog vorm Losfahrn bei uns okeman und aso kema dann - a wema total hi und miad wan - wia plant am 18. Juni 2011 in des Abenteuer unseres Lems startn!

z´ruck

Aso hod de ganze Sach ogfanga...

Damit´s es olle amoi segt´s wia de ganze Gschicht herganga is und wos´t fia a sechane Tour oisse macha muast, woi ma eich do etz erzoin, wia ma dazua kema san und wos ma dafia oisse doa ham miasn.

Dat ma mia in sechane Sprachbloddan redn, dann hättn de mehran ???$§"%&/???vo unsane Spezl´n, da Familie und de wo ma aso nu kennan woi des zu uns gsogt. Mei...vo de mehran hama uns dann ohern kena, wia ma mia auf a sechane Gschicht kema san und wia ma uns des ganze nochan voastein. Vui ham´d a gfrogt wos ma uns dabei dacht ham, dass ma unsa Abat und de Bude einfach so aufgem und olle, de ma meng, so lang dahoam z´ruck lassn.Guad...dann woi ma eich des Ganze etzan a moi vazoin, wia´s herganga is.Somma 2009...wia´s oiwei so is, da oane moant aso und de anda a wengal andas. Des muast erst amoi zam griang...Mei...an Helli sei Plan wa, dass a vo da Abat aus a wengal furt kimmt - am liaban nach Amerika - und do dann in olla Rua de Leid und as Land a bissal kennalerna ko. D´Bea hod de ganze Sach a bissal andasta gseng, de woit scho oiwei moi a Joa noch Australienund do mit Work & Travel a bissal ummanda kema. Am wichtigan wa ihra aba do gwen, dass an haufa vom Land, de Leid und eanana Kultur kenna lernt. Und damit as Geld glangt, hätt ses hoid hin und wieda mit abatn probiert.Nachdem ma uns dann oiwei wieda mit der Gschicht ausananda gsetzt ham, hama dann beschlossn, dass ma´s a bissal mit Work & Travel in Australien probiern. Aba do drent mitn Rucksog ummananda renna wa hoit so goa ned an Helle sei Sach und aso hama dann gschaut, dass ma wos andas auftreim... und weil ma olle zwoa recht gern mitn Moped untawegs wan, hama beschlossn, dass ma mitn Moped durch Australien fan.Dorauf hi hama dann vui im Internet umananda gsuacht und oisse glesn wos ma so zu dera Sach gfundn ham. Aba warum noch Australien fliang und do extra a Moped kaffa, wema doch mit unsane eigana Mopeds glei bis hi fan kenan?Und aso is de ganze Gschicht dann zam kema, dass ma mit unsane Mopeds nach Australien fan...und weil ma do hoid scho moi untawegs san, hama gsogt, dass ma a glei nu durch Nordamerika und vielleicht nu a bo mehra Lända fan...kimmt hoit drauf o wia ses mit de Kohlen ausgeht.Aussadem hert se ja "oa moi rum gfan" bessa o ois wia "hoibats umme und wieda hoam"! :-)Winter 2010Wia´s nochat im Winta recht grob worn is, hod da Helle dann fleissig an unsane Mopeds ummananda gschraubt, damit de Dinga a hergricht san fia unsa Tour. Mei, oft spinnan´s do scho moi de Weiba und dann konst da dann a gern moi so Sachan ohern wia "kafst scho wieda wos fia de Kistn" oda "wo bleibstn wieda so lang". Aba weil hoid an da Bea ihrm Moped a wos gmacht hod kert, hod´s hoid a nix song kena. Und aso hod da Helle nochan an haufa Zeit damit vabrocht, de Trümma fian Umbau zum b´sorgn, am Moped schraum und im Internet und verschiedene Zeitschriftn noch neieIdeen fia de Gschicht zum suacha.( in dera Zeit ham´s in da Werkstod recht heldenhaft de hiesigen Brauereien vorm Bankrott bewahrt ;-) )Aba mehra woi ma dazua go nimma song, weil zum Mopedumbau kennt´s ja woandas gnuag nochlesn.Februar 2010Im Februar wa in Minga de Motorrad´lausstellung Imot und de Outdoormess f.r.e.e. am oiden Flughafn. Mia ham de ganze Gschicht glei gnutzt, dass ma uns schlau machan üba so a Reise, unsa Ausrüstung und wia ma mia ohne Moped umanand keman. Aussadem woit ma mia schaun ob uns bei dera Sach vielleicht wer untastützt.Recht sche wars am ADAC Standl, weil do woitn´s am Helle a so a Premium-Club Mitgliedschaft vo erna o´drahn. Wia´s dann do so redn, woit er dann amoi wissn, wos fia Lända bei dea Mitgliedschaft obdeckt wan und der recht motivierte Vertreta hod dann glei a West-Europakartn aussa zong und los glegt...na ja ois erm da Helle dann a moi gsogt hod wo´s bei uns hi geh soid (u. a. Russland, Kasachstan und die Mongolei), hoda sei Zeig wieda zambackt und hod eigseng dass uns do a da ADAC ned weida hoifa kon.März 2010Mitte März is Bea dann am Knia opariert worn. Do hama dawei nu go ned gwisst wia ma dern, weil wann des nix gscheid´s worn wa, hätt´s hoid amitn Mopedfan ned klappt und nochat hoid a ned mit unsana Tour.Danoch war´s ja nu ungefähr zwoa monat dahoam und do hod sa se glei hi gsetzt und wega unsane Transportgschichtn, de Visa, Impfungen und sunstige Sachan woma brauchan noche gschaut.Bis dann wieda gscheid gsund wa hod´s nu bis mitte Juni dauert und nochat sama dann aba a 3000 - 4000 km im monat gfan, damit ma de Mopeds und unsa Zeig a gscheid ausprobiern ham kena. Üba des kennt´s aba a unta dem Kapit´l " Do wama scho " nu gnuag nochlesn.April bis August 2010Mopedfoan, Mopedfoan, Mopedfoan! Natürlich nur, ums Graffe zum testn! ;-)September 2010Üban Somma umme hama uns oiwei wieda mit unsana Homepage obe do und gschaut wos fia a Ausrüstung mia nu brauchan. Bea wa auf bo Flohmärkt, damit ma unsa Klump los wern wos ma nimma brauchan und a bo Mark in unsa Reisekass nei keman.Da Helle hod etz a moi sei greane Kawa vakauft...Zeit is worn.Und weil´s no ned gnua wa, hama Ende Septemba nu mit an Russischkurs ogfangt, weil borisch is zwa a Weltsprach, aba überoi kenan´s des hoid a ned... Oktober 2010Ende September hod da Helli dann endlich a sei Schui fertig gmacht und nochat sama Anfang Oktober glei nu zwoa Wochan hint umme nach Griechenland gfan. Schliesslich hama ja nomoi unsa ganz Klumpund de Mopeds a weng ausprobiern miasn.Ende Oktober wama dann a nu bei so an b´sundan Dokta, dea wos se recht guad auskennt mit de Impfungen, de wo ma mia do brauchan. Des is ja da Wahnsinn, wos da do ois fia Spritzn nei jong und vor allem wos de kostn...Bevor ma do recht obe schwimman, hod Bea glei de ganzn Versicherungen kündigt, de wos ma de nächste Zeit nimma brauchan und mia hama ogfanga, de mehran Leid wia unsan Chef, unsane Vamieta usw. wega unsana Reise zum B´scheid song.November 2010Im November hama uns dann gscheid mid unsana Homepage beschäftigt und uns entschlossn, dass ma´s dreisprachig machan. De Videos vo unsane Ausflüg und vo da Reiseroutn sand a fertig. Aussadem hod da Helle um a zwoate Bruin fia unsan Ausflug gschaut, damit a untawegs nix übasigt.Dezember 2010De letztn Wochan is an haufa bassiert. Am Sunndaden 12.12. (bassat zum 3. Advent) sama mit unsana Homepage endlich as Netz ganga, wobei des aba ned hoast, dass ma etz fertig damit san. Fast jedn Dog deamawos neies dazua, mach ma de boarische und englischeAusgab fertig und bastln an da oan oda andan Sach wia dem Newsletter.Wei ma mia so vui verschiedene Lända bsuachan, brauch ma a an haufa Impfungen fia unsa Tour. Mit dera Gschichthama etz a endlich ogfanga und deswegn sama de nächstnMonat fast jede Woch beim Dokta... des wead sicha a mortsGaude! ;-)Januar 2011Mid da Huif vom Herbert seina bessan Hoiftn hamas etz endlich gschafft, dass a de englische Ausgab vo unsana Seitn fertig is. Da Helle schraubt dawei scho wieda wia a Wuida an seim Oipara ummanand und macht de letztn offan Gschichtn dro fertig.Aussadem gfrei ma uns recht, weil se de hoamischn Zeidungen fia unsan Ausflug recht interessiern.Hama recht griabige Berichte üba uns und unsa Tour in da Passauer Neuen Presse, am Wochabladdl und am Online Portal innsalzach24.de zum Lesn griagt. Recht a schens Danksche dafia!Leida hod d´Bea im Januar numoi as Krankahaus miassn, weils des ganze Blech vo da OP im März vorign Joa´s nu aussa baut ham. Etz pfeiffts a nimma, fois ma moi in dem oan oda andan Land duach an Metalldetektortest miassn! ;-)Februar 2011Etz wo ma a boa moi in da Zeidung wan, redn uns natürlich an haufa Spezln, Bekannte, d´Nachbarn und Abatskollegn usw. o, weils natürlich an haufa üba unsa Tour, as warum und wohi und a boa andane Sachan wissn woin, aba a fia uns vui Tipps und Anregungen parat ham. So wos hama mia zwoa a nu ned dalebt, aba is a pfundige Gschicht und gfreit uns narrisch!

Bei na hoibn Bier und an Glassal Wein hamas uns auf da Terrassn an de ersten schena Dog im Februar a wengal gmiatlich gmacht. Unsane Nachbarn, d´Ursl, da Uwe und d´Sarah woitn nämlich a weng mehra üba unsa Moped-Weltroas wissn!:-)

Do hoasts etz fian Helle de Zehn zam beissn und duache durch de Gschicht, aba ois hoib so wuid, werda ja vo seina Schwesta, da Sandra, gimpft, de macht des recht guad!

??$§%&&&!!

Time to Ride

Um alle Inhalte sehen zu können, benötigen Sie den aktuellen Adobe Flash Player.