As Moped gscheid dreckad macha is oiwei wieda sche.
A bissal hinta Rijeka hama fia a bo schene Buidl und a Brotzeit amoi steh blim. As fan wa wega de kroatischn Bora-Winde nämlich recht anstrengend, dafia sama aba mit na dramhaft´n Landschaft und na sauba kurvige´n Streck an da Küst´n entlang belohnt worn.
Unsa ersts Päuschen in da Nah vo Villach zwecks´n tanken. Mitte Oktober kons in da Fria scho ganz sche koid sei, aba zum Glück is dann ab Udine a weng bessa worn.
...und aso hama in da Nah vo Split unsa Hütt´n direkt am Meer histell´n deafa.Da Sonnenuntagang wa gratis mit dabei...
Mitte Oktober ham zwa in Kroatien scho de mehran Zoitplatz´l zua, aba a bo hama nu gfundn und do wama a so guad wia aloa...
In Kroatien gibt´s neba da Stross oiwei wieda Wegal, wost a weng im Dreck fan konst und wann oans herganga is, hama a glei o´bong. Des wa zwecks´n üben recht guad und a morts Gaude wars a!
An so am pfundig´n Strand hama vo uns zwoa oafach a Buidl macha miasn - danoch sama aba glei wieda nauf aufn Bock und losgritt´n! :-)
...und nochan gehts nei ins warme Bettal! :-)
A untawegs muast a weng zamhoifa. Da Helle duat fotografiern und d´Bea richt as Essen mit na Hoibe Dosenbier zam. So kon da Dog aufhern... :-)
Time to Ride
Seitn:
Um alle Inhalte sehen zu können, benötigen Sie den aktuellen Adobe Flash Player.