Sprachwahl Home Wir beide Bea Helle Bisherige Touren Slowenien Frankreich  Griechenland  Frankreich 2 Frankreich 3 Griechenland 2 Griechenland 3 Vorbereitungen Organisatorisches Gesundheit Ausruestung Werkzeug Elektronik Gepaeck Bekleidung Geplante Route Motorradumbau Alperer  Dicke Rosi Unterwegs Reisetagebuch Osteuropa Suedostasien RB Osteuropa Tschechei Slowakei Ukraine Ukraine2 Russland West  Russland West 2 Russland West 3 Kasachstan Kasachstan 2 Kasachstan 3 Russland Altai Russland Altai2 Mongolei Mongolei2 Mongolei3 Sibirien Sibirien 2 Sibirien 3 Sibirien 4 Fazit Osteuropa RB Südostasien 5 Wo. ohne Mo 5 Wo. ohne Mo 2 Thailand 1 Thailand 1.2 Kambodscha Kambodscha2 Kambodscha3 Laos Laos2 Laos3 Laos4 Laos5 Unterkunft Osteuropa Suedostasien Unterkünfte Suedostasien 2 Unterstuetzung Privat Sponsoren Unterwegs Videos Suedostasien Links Kontakt  Gaestebuch Presse Fotokalender 2012 Impressum Englisch%%%%%%%%%%%%%%%%%%%%%%%%%%%%%%%%%%%%%%% Home  About us Bea  Helle  Our last trips Slovenia France  Greece  France 2 France 3 Greece 2 Greece 3 Preparations Organizing Health Equipment Tools & Spares Electronic Baggage Clothing Planned Route Motorcycle Alperer  Big Rosi Travelreport Eastern Europe RB Osteuropa eng. Tschechei eng. Slowakei engl. Ukraine engl. Ukraine2 engl. Russl. West engl. Russl. West2 engl. Russl. West3 engl. Kasachstan engl. Kasachstan2 engl. Kasachstan3 engl. Russl. Altai engl. Russl. Altai2 engl. Mongolei engl. Mongolei2 engl. Mongolei3 engl. Sibirien engl. Sibirien2 engl. Sibirien3 engl. Sibirien4 engl. Fazit Osteur. engl. Lodging East Europe Southeast Asia Lodging Southeast Asia 2 Support Privat Sponsorship On Tour Videos Southeast Asia Links Contact Guestbook Press  Impressum  Bayrisch%%%%%%%%%%%%%%%%%%%%%%%%%%%%%%%%%%%%%%%%%%%%% Startseitn Mia Zwoa Bea Helle  Do wama scho Slowenien Frankreich  Griechenland  Frankreich 2 Frankreich 3 Griechenland 2 Griechenland 3 Wias herganga is As drumherum Gsundheit Unsa Glump Werkzeig Elektronik Packzeig Gwand Do fama hi Mopedumbau Oipara Gwampade Rosi Do sama grod Wer uns huift Dahoam Sponsoren Auf da Roas Fuim Suedostasien Andane Seitn Oschreim Gaestebuach Pressegsatzal Impressum Zusammen%%%%%%%%%%%%%%%%%%%%%%%%%%% Trailer zus. 

As drumherum

z´ruck

VersicherungenRentenversicherung:Zwecksn Geld hama mia unsre privaten Rentenversicherungen stui glegt.A boa vo unsane Versicherungsgsellschaften wan do recht griabig und ham de Gschicht auf Eis glegt a üba a boa Jo, andane ham do ned so midgspuit und deswegn hamas dann kündigt.Hausratversicherung:Weil ma mia unsa Wohnung kündigt ham, wa de Auflösung vo unsana Hausratversicherung koa Thema, und des obwoi unsa Vatrog nu glaufa wa. Muast erna aba scho song, dast koa Bude nimma host, aba des glangt dann.Rechtsschutz:Des Glump guit im Ausland grod nu a bissal, bessa gsogt grod fia a kurze Zeit. Aba weil unsa Vatrog nu lafft, vasuach ma mia mid de ganzn Visa erna zum song, dass ma mia a bissal länga weg san... ob des hihaut wiss ma mia a nu ned!Privathaftpflicht / Berufsunfähigkeit / Unfallversicherung:De drei Vasicherungen hama mia lassn. Unsa Vasicherungsagentur hod uns nämlich gsogt, dass fia de Gschichtn (de unsra Meinung doch relativ wichtig san) da Schutz, a wema länga im Ausland san, weida besteh bleibt und aso gema bei dene Vasicherungen liaba auf Numma sicha.Langzeitauslandsreisekrankenversicherung (wos fia a Wort..):De bassade Krangvasicherung fias Ausland z´finden, is koa oafache Gschicht. Zerst ghert amoi gsogt, dass ma so a normale Auslandskrangavasicherung wiast as fia a boa Euro/ Joa griagst, fia unsa Sach nix is, weil de guit nämlich oiwei grod 60 Dog.A de gsetzliche Krangavasicherung huift uns ned weida, weil de zoin aussahoib da Europäischn Union nimma. Soweit ma mia des aba midgriagt ham, is koa Problem wema wieda hoam keman, dass uns de gsetzliche Krangavasicherung wieda onimmt, weil wennst zuvor dahoam ois Abatnehma gwerkt host und bei da GKV vasichert warst, dann miassn de di (normalerweis) wieda onehma.Des Problem is etz grod, dass uns des ois hinsichtlich unsana Entscheidung fia unsa Langzeitauslandsreisekrangaversicherung ned weida huift, bsundas weils do an haufa Dandla gibt und de Preise fia de Gschicht je noch dem wos ma mecht, wia lang dass dauern soi und wost himogst, gscheid ausananda gengan.Des fangt o bei 30 Eier im Monat fia a 360 Dog-Vasicherung mid recht oafache Leistungen und ohne USA & Kanada (do is as Gsungheitssystem recht deier, wost hoit dann a am Preis vo da Vasicherung kennst) und geht auffe bis auf üba 100 Eier im Monat fia aProfi-Vasicherung, de wos dann bis zu 5 Joa und übaroi guit.Aus dem Grund hama mia uns fia a gscheide Vasicherungsagentur entschiedn, de wos hauptsächlich so Gschichtn fia Deitsche (oda Bayern) im Ausland machan.Dank am Michael Peisch vo da Confideo GmbH (www.confideo.com) hama dann aba doch recht schnei de bassade Vasicherung fia uns gfundn und mecht ma uns an dera Stei numoi beim Miche fia sei Geduld und de supa Beratung bedanga, weil mia wama mid Sichaheit koane oafachn Kundn! ;-)Kfz-Haftpflichtversicherung:Obwoi ma an haufa im Intanet gsuacht und a bei andane Reisende und Vasicherungen nochgfrogt ham, mia hama nix gfund, wos a intanationale Deckung obiet. :-(Oiso werma mia des Ganze etz genauso macha wia (wahrscheinlich) olle andan Weltreisenden vor uns a gmacht ham, mia werma vor Ort oiwei de bassade Vasicherung obschliassn, weil de deitsche guit ja aussahoib vo Europa nimma.Vo a boa wiss ma a, dass erst go koa Vasicherung obgschlossn ham, aba mia (leida oda Gott sei Dank) hama a bessas Gfui, wema a sechan Vasicherung ham. Ob de uns hoit dann huift, wenns brennt, des werd se zoang... :-) Internationale PapiereReisepass:Es hod mehra Gründ, dass ma mia a jeda zwoa Reisepässe ham. Ois ersts kons a Problem gem, dass des oa oda anda Land spinnt, wema mia vo am Land, wos se ned recht meng, an Stempe drin ham. Ois zwoats host oiwei nu an Ausweis, a wenn oana grod im Konsulat zua Bearbeitung zwecks am neian Visum is. Da dritte Grund is freile der, dass fois uns a Pass gstoin werd oda valorn geht, mia oiwei nu oan zum Herzoang ham. Bei manche Passämta is koa Problem, dast, obwoi de ganze Gschicht rechtlich a wenig in na „Grauzone“ liegt, an zwoatn Reisepass griagst. Andane Ämta z.B. stein an echtn „Zwoatpass“ aus, der wos hoit dann statt 10 Joa grod 6 Joa guit.Wos etz des Ganze fia an Sinn macht, des hama mia a ned rausgfundn… ;-) Internationaler Fahrzeugschein:Da intanationale Fahrzeigschein hama mia bei da Zulassundsstei beantragt.Foigende Sachan muast do midbringa:-Zulassungsbescheinigung Teil 1/ Fahrzeigschein-a greane Vasicherungskartn-gültiga Personalausweis oda Reisepass mid MeldebestätigungDes ganze kost ungefähr 11 €Ausgsteit wird der normal sofort und guit 1 JoaVorsprecha muast soiba bei dera Sach oda eban, der wos beauftragt is.Internationale Führerschein:An intanationalen FS muast ebnfois bei da Zulassungsstei oschaffa und guit nua, wennst a an nationalen Führaschein fias Fan im Ausland host. Dabeiham muast olle zwoa.De foigenden Sachan muast do midbringa:-an Führaschein im Scheckkartnformat-is da nationale Führaschein ned do ausgsteit worn, wo der Intanationale ausgsteit wird, dann brauchst an Auszug ausm örtlichn Fahrerlaubnisregister (a so gnannte „Karteikartnobschrift“)-an Personalausweis oda Reisepass-a biometrisch FotoDe Gschichte kost dann ungefähr 15 € und ausgsteit werda vo glei bis zu 3 WochanGuitn duat des Drum dann 3 Joa, deaf alladings ned länga sei ois wia da nationale Führaschein.Vorsprecha muast soiba bei dera Sach oda eban, der wos beauftragt is.Carnet de Passage:As CdP is a Wisch vom Zoi, der de zoifrei Ein- und Ausfuhr vo am Fahrzeig in Lända aussahoib da EU möglich macht, ohne dast an de oanzalna Grenzen blecha muast. In Deitschland griagst as CdP so vui ma mia wissen grod beim ADAC und des Drum hoit dann a Joa lang. Auf da Homepage vom ADAC (www.adac.de) stengan dann a so Sachan, wiast des Drum hernehma muast oda wost des übaroi brauchst usw.Je nochdem, wos nochan dei Fahrzeig wert is, muast beim ADAC a Bankbürgschaft oda a Sichaheitsleistung hintaleng, de wost erst zruck griagst, wenn des CdP sauba ausgfuit an den ADAC zruck geht. Vo do her soiatst scho schaun, dass der Beamte an da Grenz de Sach sauba ausfuit.Bei unsane zwoa Mopeds miass ma je 1500 € per Bürgschaft hintaleng. Weil ma mia aba a koane 3000 Eier zwecks da Gaude rumliegn ham, de ma mia beim ADAC hintaleng kenan, hama mia uns fia a Bankbürgschaft entschiedn. Des Ganze kost uns 30 € pro Joa und bast somitVisa:Mia hama etz vorab grod de Visa fia Osteuropa, d.h. Russland, Kasachstan und de Mongolei sowia unsane „Work and Holiday“ Visa fia Australien bsorgt. Olle andan Visa werma nochan do dort oda vorob im Konsulat oschaffa.Weil aba des Visa-bsorgn fia Osteuropa ned so oafach is, hama de Gschichtn üba a Visa-Agentur gmacht. Da Jörg Wiese vo da Visa-Agentur Visa?Wie (www.visa-wie.de) hod fia uns de ganze Sach ind Hand gnumma, so dass ma mia uns eigentlich um nix schaun ham miassn. An dera Stein o moi a groass Danksche an Jörg fia sei sauguade und kompetente Beratung und Huif bei da Abwicklung vo dera Gschicht!Do drunta segts etz olle unsane Visa:-Russland: Is a gschäftlichs Multivisum und guit 6 MonatMia reis ma ja noch unsam Plan drei moi noch Russland ei und deswegn hama mia a Multivisum fia des Land braucht, weil bei am Touristenvisum derfst hechstens zwoa moi neifan. Griang duast aba des Drum grod, wennst a Einladung fia Russland host und do is dann de Visa-Agentur as Spui kema.-Kasachstan: Is a Touristenvisum und guit 30 DogMia hama unsa Glump üba de Agentur eigreicht, wobei de im nochhinein dann vo uns a genaue Reiseroute ham woitn. Mia hama dann oafach a boa Stadtal und Sachan zum Oschaun aussa gsuacht und ham des dann nu obgem. Des hod dann a glangt.-Mongolei: Is a a Touristnvisum und guit ebnfois 30 DogAs „Work and Holiday“ Visum fia Australienhama mia soiba beantragt. Des kon ganz oafach übas Intanet auf da Seitn vom Australien Government (http://www.immi.gov.au/e_visa/working-holiday.htm) ogschafft wern, wobei des ganze grod a moi 30 Minutn dauert. A wengal a Englisch soiatst hoit kena und an Reisepass sowia a Kreditkartn brauchst, weil de Kohle fias Ausstoin (235 AUD pro Person, san ungefähr 173 €) muasst glei zoin. Geld auf Reisen:Goidmässig hama mia uns dafia entschiedn, dass ma auf mehra Sachan setzn:-Visa-CardOis ersts hama a Visa-Card beantragt, mid dera mia auf da ganzn Woit, wo a Visa- Zeichn drauf is, kostnlos Goid obhem kenan. Mittlaweile gibt’s a boa Bankn, de wos kostnlos a so a Kartn obietn, mia ham des Ganze bei da comdirect Bank ogschafft.-Master-CardMid na Master-Card konst woitweit ohne Bargeld zoin. Leida hama mia aba koa Bank ned gfundn, de wos kostnlos a so a Kartn obietn. A wennst aussahoib da Euro-Zone zoist, muasst zusätzlich Gebühren obdrucka. Da ma mia aba scho so a Kartn kabt ham, nehma de a mid, werma aba grod in „Notfälln“ damit zoin, weil ma ned eiseng, dass ma jeds moi beim Hernehma a haufa Öckn an unsa Bank obdruckan-Traveller ChecksDa groasse Vorteil vo de Traveller Checks is oafach, dass de Dinga vasichert san und wenns da klaut wern, konst as sperrn lossn und i.d.R. wern de dann vo da Bank ersetzt.A Problem bei dera Sach is grod, dass nua groasse Bankn oda Hotels de Bladdl onehman, so dasst de Dinga ois Ollround- Zahlungsmittel vagessn konst-Devisen / BargeldZwecksn Stoin nehman mia grod Gloabeträge in Bargoid und gloanen Scheinen mid. Vo andane Reisende wiss ma, dasst midn Euro mittlaweile auf da ganzn Woit zoin konst, wobei a boa Dollar mid Sichaheit a ned vakehrt san.Arbeitslosmeldung:Da ma mia zwoa soiba kündigt ham, werma mia 3 Monat lang vom Abatsamt gsperrt, d.h. mia datn erst 3 Monat nochm End vo unsam Abatsvahoitnis a Kohle griang.Da ma mia aba noch dem End vo unsana dreimonatign Sperrfrist scho nimma in Deitschland san, miass ma uns oafach rechtzeitig obmeitn und aso griang ma dann a koa Kohle.Erst wema mia noch unsam Trip wieda in Deitschland zruck san und a Abat suachan übas Abatsamt, dat ma mia unta a boa bsundane Voraussetzungen fia 9 Monat a Goid griang.

Weil a so a Woitroas an haufa Graffe mid se noche ziagt, wos gmacht und do ghert, vasuach ma mia bei de nächstn boa Obsätz de Gschichtn a wengal zam zum doa und eich zum erklärn:

Time to Ride

Um alle Inhalte sehen zu können, benötigen Sie den aktuellen Adobe Flash Player.